Næstum allir unglingar elska að segja við stærðfræðikennarann sinn “hvenær á ég eftir að nota þetta í framtíðinni?” þegar kemur að stærðfræði.

Síðustu mánuði hefur covid-19 verið mikið í umræðunni og alls kyns myndrit birt til að varpa ljósi á faraldurinn og næstu vikur má gera ráð fyrir mikilli flóðbylgju af ólíkum myndritum í tengslum við komandi kosningar. 

Eitt af hæfniviðmiðum fyrir nemendur við lok 10. bekkjar er að þeir geti túlkað og gagnrýnt myndrit. 

Til að þjálfa upp færni í þessu, þá dugar ekki að horfa bara á nokkrar myndir í kennslubókinni, heldur er þetta færni sem frábært er að þjálfa upp með því að æfa sig að túlka og gagnrýna öll myndrit sem sett eru fram í fjölmiðlum. 

Hérna fyrir neðan er kökurit sem var hluti af forsíðufrétt hjá Fréttablaðinu fyrir rúmu ári síðan. Það er í raun ótrúlegt að þetta hafi komist á forsíðuna án þess að nokkur áttaði sig á villunum… 

​Fáðu unglinginn þinn endilega til að túlka og gagnrýna þetta myndrit:

Skjáskot af myndriti á forsíðu Fréttablaðsins 5. mars 2020 (https://frettabladid.overcastcdn.com/documents/200305.pdf)